Universe aayi kahan se ?

Kayi sadiyoon ki kashmash ke baad jab Science ne Big Bang ki theory di toh jese iss poore muqademe ko aik nayi jaan mil gayee, Big Bang Theory aik koshish hai yeh batane ki ke universe kese wajood mein aayi aur kese mazeed evolve hoi.

Theory un observations se mutafiq nazar aati hai jo Theoritical Physics define karti hai us aik chotte se lamhe ke liye jo Big Bang ke forun baad hua. Per Big Bang Theory yeh nahi bata sakti ke Big Bang bazat-e-khud kese wajood mein aayi. Aaj Science aur tareekh iss baat per mutafiq nazar aati hai ke aaj jisse hum Waqt kehte hain yeh khud ussi Big Bang ke forun baad hi wajood mein aa gaya tha.

Stephan Hawking ne apni kitab ‘A Brief history of Time’ mein koshish ki hai yeh batane ki kese Time aur Energy wajood mein aaye Big Bang ke baad, per kaheen aisa toh nahi hai ke yeh definitions hamein iss baat se rokne lagi hain ke hum us time se aage bhi dekhne ki koshish karein. Jahan tak Big Bang ki baat hai toh yeh be-maani (pointless) hai ke hum us se pehle ki sochein, kyoon ke us se pehle kuch nahi tha. Per kiya waqayi aise hi tha ? Sochne mein yeh buhut hi gher-mutmanyen (unsatisfactory) lagta hai ke hum aik aisee theory ko maan lein je yeh bataye ke yeh universe kaheen se nahi aayi. Yeh Universe kaheen se toh aayi hogi … per kiya yeh zaroori hai ke kaheen se aayi ho ?

Kuch nahi tha:

Agar hum iss hypothesis ko maan kar chalein ke kuch nahi tha, kiyoon ke agar yeh argue kiya jaye ke Kuch na kuch toh tha toh phir baat ghoom ker phir waheen aajti hai ke woh KUCH kahan se aya tha ? Abhi hum lowg Nothingness per hi focus karte hain.

Lafz Nothing ki aik barri khas maane (meaning) hai iss tanazur mein, us maane ke muqabile mein jo hum apni roz marra ki zindagi mein istemaal karte hain.

Yahan per iss ke maane Waqayee Nothing (ya kuch bhi na hona) hai, simply and literally Nothing, mukamal absense harr cheez ki. Is ka matlab phir humein aik mukamal kabhi na khatam hone wale Infinite Void ko bhi agree karna parre ga. Iss ki waja yeh hai ke agar kuch nahi tha toh koi hadh ya boundary bhi nahi thi toh jab koi hadh hi na thi toh infinite hona bhi laazim ho jata hai. Kyoon ke agar koi boundary thi toh phir us boundary ke doosri taraf kuch toh exist karta hoga. Iss mein yeh bhi samjhne wali baat hai ke is Nothingness mein saari dimensions bhi shamil hain jo hum aaj jante hain. Aaj yani us nothingness ke khatam hone ke baad. Kyoon ke Dimenstion ki khud apni aik hadh hogi. Toh hum yeh keh sakte hain ke kuch bhi aisa nahi hoga jo is Infinite Void ko define kar sakta ho.

 

Dhiyan deejye ga kyoon ke ab yeh theory aik aur buhut hi pecheeda morr khane wali hai. Acha, toh kiye pehle Kuch bhi nahi yaani Nothingness Exist karti thi. Toh iss ka matlab hus ke woh kuch wohi nothiness bhi ho sakti hai kyoon ke beheral agar kuch aur na sahi toh kam se kam woh nothingness toh exist karti hi thi. Agar woh nothingness exist karti thi toh phir koi aisa hadissa ya event bhi hoa hoga jo uss nothingness ko khatam kar sake. Per aisa koi hadsa ya event na-mumkin hoga agar sirf aur sirf nothingness hi exist karti thi. Kisi bhi hadse ya event ko hone ke liye aik Waqt aik lamha darkar hoga toh agar waqt exist hi nahi karta tha toh phir event kese generate ho sakta hai ?

Nothingness ke ooper toh physics ke koi qanoon bhi apply nahi kiye jaa sakte kyoon ke jab kuch tha hi nahi toh na Physics thi na hi us ke laws. Toh bagher qawaneen ki mojoodgi ke yeh Nothing ka Something tak ka safar kese aur kiyoon kar tae ho saka hoga ?

Infinite Circle of Argument:

Toh sochne mein yeh sab aik kabhi na khatam hone wala circle maloom hota hai. Agar kuch na tha toh phir kuch bana kese, aur agar kuch tha toh phir woh kuch kese bana ? Mein iss masle ko solve nahi kar sakta kiyoon ke hamare pass na hi Nothingness ka koi saboot hai aur na hi Something ka ….

One thought on “Universe aayi kahan se ?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s